80 ਦੇ ਦਹਾਕੇ ਦੇ ਇੱਕ ਦਿਨ
ਪੰਜ ਸਾਲ ਦਾ ਛੋਟਾ ਪੁੱਤਰ
ਰੇਡੀਓ ਤੋਂ ਖ਼ਬਰਾਂ ਸੁਣਦਾ ਸੁਣਦਾ
ਉਸ ਤੋਂ ਧਰਮ ਦਾ ਅਰਥ ਪੁੱਛਦਾ ਹੈ
ਧਰਮ ਬਦਲੀ ਦਾ -
ਹਿਜਰਤ ਦਾ -
ਪੱਗ ਤੇ ਬੋਦੀ ਦਾ ਅਰਥ ਪੁੱਛਦਾ ਹੈ।
ਜਵਾਬ ਦਿੰਦਾ ਦਿੰਦਾ ਉਹ
ਗੋਡੇ ਗੋਡੇ ਜ਼ਮੀਨ 'ਚ ਧੱਸ ਜਾਂਦਾ ਹੈ
ਰ ਰਸੋਈ 'ਚ ਆਟਾ ਗੁੰਨ੍ਹਦੀ
ਉਸ ਦੀ ਘਰਵਾਲੀ
ਆਟੇ ਲਿੱਬੜੇ ਹੱਥਾਂ ਨਾਲ
ਖ਼ਬਰ ਦੇ ਵੈਣ ਸੁਣ
ਤ੍ਰਭਕੀ ਹੋਈ
ਕਮਰੇ 'ਚ ਪਹੁੰਚਦੀ ਹੈ
ਫਟਾ ਫਟ ਟੈਲੀਵੀਜ਼ਨ ਬੰਦ ਕਰਦਾ ਉਹ
ਲੱਕ ਲੱਕ ਜ਼ਮੀਨ 'ਚ ਗੱਡਿਆ ਜਾਂਦਾ ਹੈ
ਰ ਟੁੱਟੇ ਮੰਜੇ ਤੇ ਬੈਠੀ
ਨਿਗ੍ਹਾ ਵਿਹੂਣੀ ਮਾਂ
ਪੈੜ-ਚਾਲ ਪਛਾਣਦੀ ਹੈ
ਡੰਗੋਰੀ ਟੋਂਹਦੀ ਹੈ
ਪੁੱਛਦੀ ਹੈ -
ਪੁੱਤ ਸ਼ਹਿਰ ਦਾ ਕੀ ਹਾਲ ਹੈ ?
ਉਸਨੂੰ ਜਵਾਬ ਨਹੀਂ ਔੜਦਾ
ਬੇਆਵਾਜ਼ ਹੋ ਜਾਂਦਾ ਹੈ
ਤੇ ਗਲ ਤੱਕ ਜ਼ਮੀਨ 'ਚ ਧੱਸ ਜਾਂਦਾ ਹੈ।
Subscribe to:
Post Comments (Atom)
No comments:
Post a Comment