ਵੇ ਸੱਜਣਾ ਸ਼ਹਿਰ ਤੇਰਾ ਸੀ....
ਵੇ ਹਾਕਮ ਕਹਿਰ ਤੇਰਾ ਸੀ....
ਜਾਮ ਵਿੱਚ ਰੱਤ ਸੀ ਮੇਰਾ
ਤੇ ਸੱਜਣਾ ਜਸ਼ਨ ਤੇਰਾ ਸੀ
ਜੇ ਗੱਲ ਕੁਝ ਵੀ ਨਹੀਂ ਸੀ
ਤਾਂ ਸ਼ਹਿਰ ਦੀ ਫਿਜ਼ਾ ਕਿਉਂ ਰੋਈ
ਵੇ ਸੱਜਣਾ ਸ਼ਹਿਰ ਤੇਰੇ ਵਿੱਚ
ਦੇਖੀ ਅਜਬ ਅਣਹੋਣੀ
ਕਿ ਚਾਵਾਂ ਤੇ ਮਲਾਰਾਂ ਨਾਲ ਪਾਲੇ
ਚੰਨ ਦੇ ਟੋਟੇ ਲਈ
ਸੁਲਘਦੇ ਘਰਾਂ ਵਿਚੋਂ ਸਹਿਕਦੀ
ਇੱਕ ਮਾਂ ਦੀ ਅਰਜ਼ੋਈ
ਜੇ ਗੱਲ ਕੁਝ ਵੀ ਨਹੀਂ ਸੀ.....
ਵੇ ਅੱਜ ਹਥਿਆਰ ਆਪਣੇ ਫਲਾਂ ਤੋਂ
ਮਾਸੂਮ ਨਾਂ ਪੜ੍ਹਕੇ
ਬੜੇ ਸਹਿਮੇ ਨੇ, ਪੁਛਦੇ ਫਿਰਦੇ ਨੇ
ਹਰ ਇੱਕ ਨੂੰ ਫੜ ਫੜ ਕੇ
ਉਨ੍ਹਾਂ ਤੋਂ ਕਿਉਂ, ਕਿਵੇਂ, ਕਿੱਥੇ,
ਤੇ ਕੀ ਕਰਵਾ ਗਿਆ ਕੋਈ ?
ਜੇ ਗੱਲ ਕੁਝ ਵੀ ਨਹੀਂ ਸੀ......
ਡੰਗੋਰੀ ਕਿਸੇ ਦੀ ਟੁੱਟੀ
ਕਿਸੇ ਦੇ ਖੁਰ ਗਏ ਸਭ ਚਾਅ
ਵੇ ਸੱਜਣਾ ਸ਼ਹਿਰ ਤੇਰੇ ਵਿੱਚ
ਵਗੀ ਇਹ ਕੈਸੀ ਚੰਦੋਰੀ ਵਾ
ਉਡਾ ਕੇ ਲੈ ਗਈ
ਧੀਆਂ ਭੈਣਾਂ ਦੀ ਇੱਜ਼ਤ ਦੀ ਲੋਈ
ਜੇ ਗੱਲ ਕੁਝ ਵੀ ਨਹੀਂ ਸੀ.....
ਵੇ ਇਹ ਦਸਤੂਰ ਕੀ ਹੋਇਆ
ਤੇ ਹੈ ਕਿਹੜੀ ਵਫ਼ਾ ਸੱਜਣਾ
ਕਿ ਪਹਿਲਾਂ ਕਤਲ ਕਰ ਦੇਣਾ
ਫੇਰ ਸੱਥਰ ਤੇ ਆ ਬਹਿਣਾ,
ਤੇ ਫਿਰ ਮਸੂਮੀਅਤ ਦੇ ਨਾਲ ਪੁੱਛਣਾ
ਗੱਲ ਕੀ ਹੋਈ।
ਜੇ ਗੱਲ ਕੁਝ ਵੀ ਨਹੀਂ ਸੀ......
Subscribe to:
Post Comments (Atom)
No comments:
Post a Comment