ਉਸਨੇ ਆਪਣੇ ਆਲ੧
ਤੀਲਾ ਤੀਲਾ ਹੁੰਦੇ ਜਰਿਆ ਸੀ.......
-ਉਸਨੇ ਵਹਿਸ਼ਤ ਦੇ ਦਰਿਆ ਵਿੱਚ
ਰੁੜ੍ਹਦੇ ਵੇਖੇ ਸਨ
ਆਪਣੇ ਬੱਚੇ, ਆਪਣਾ ਘਰ
-ਕਿ ਉਸਦੇ ਹੋਣ ਵਾਲੇ ਬੱਚੇ ਦੇ
ਬਾਪ ਦੀ ਚਰਬੀ ਨਾਲ
ਕਿਸੇ ਸੜਕ ਕਿਨਾਰੇ
'ਕਿਸੇ' ਨੇ ਹੱਥ ਸੇਕ ਲਏ ਸਨ....।
-ਕਿ ਉਸਦੀਆਂ ਖਿਲਰੀਆਂ ਲਿਟਾਂ 'ਚ
ਹਾਲੇ ਤੱਕ ਘਾਹ ਦੀ ਤਿੜਾਂ ਅਟਕੀਆਂ ਨੇ !!
-ਕਿ ਉਸਨੇ ਆਪਣੇ ਸ਼ਹਿਰ 'ਚ
ਆਪਣੀ ਖ਼ਾਤਿਰ
ਆਪਣਿਆਂ ਵੱਲੋਂ
ਤੇ 'ਆਪਣਿਆਂ' ਕਰਕੇ
ਲਾਏ ਗਏ ਸ਼ਰਨਾਰਥੀ ਕੈਂਪ ਦੇ ਟੁੱਕਰ ਖਾਧੇ ਸਨ.......
-ਕਿ ਉਸਦੀ ਚੁੰਨੀ
ਉਸਦੇ ਆਪਣੇ ਮਹਾਂਨਗਰ ਦੀਆਂ
ਸੜਕਾਂ ਦੀ ਲੁੱਕ ਵਿੱਚ
ਜੰਮੀ ਰਹਿ ਗਈ ਸੀ.......
ਪਰ ਉਸਨੇ
ਹਾਲਾਤਾਂ ਦੇ ਵਾਵਰੋਲੇ ਮਗਰੋਂ ਬਚੇ-
ਆਪਣੇ ਇੱਕੋ ਇੱਕ ਬੱਚੇ ਨੂੰ
ਬੰਦੂਕ ਨਹੀਂ
ਕਲਮ ਫੜਾਈ ਏ......।
ਕਿ ਉਹ ਬੜੀ ਜਿਗਰੇ ਵਾਲੀ ਏ।
Subscribe to:
Post Comments (Atom)
No comments:
Post a Comment