ਨੰਗੇ ਪੈਰੀਂ ਵਾਹਣਾਂ ਵਿੱਚ ਦੀ
ਤੁਰਨਾ ਸਿੱਖ ਕੇ ਆਵੀਂ
ਕੱਕਰ ਰੁੱਤੇ ਠੰਢ ਦੀ ਹਿੱਕ ਤੇ
ਇੱਕ ਖ਼ਤ ਲਿਖ ਕੇ ਆਵੀਂ
ਚਿੱਟੀ ਕਾਲੀ ਛੋਟੀ ਵੱਡੀ
ਪਤਲੀ ਮੋਟੀ ਸੋਹਣੀ
ਹਰ ਇੱਕ ਉਮਰ ਕਿਤਾਬ ਹੈ ਖੁਲ੍ਹੀ
ਪੜ੍ਹਨਾ ਸਿੱਖ ਕੇ ਆਵੀਂ
ਹਉਕੇ ਹੰਝੂਆਂ ਤੋਂ ਹੀ ਤੁਰ ਕੇ
ਇਥੇ ਹੀ ਅਪੜੇਂਗਾ
ਸਫ਼ਰ ਮੁਹੱਬਤ ਦਾ ਜੇ ਕਰਨਾ
ਇਹ ਗੱਲ ਸਿੱਖ ਕੇ ਆਵੀਂ
ਕਰਮਾਂ ਦੇ ਵਿੱਚ ਅਕਸਰ ਆਉਂਦੇ
ਪੱਤੇ ਨੇ ਬਦਰੰਗੇ
ਖੇਡ ਕੇ ਓਨ੍ਹਾਂ ਹੀ ਪੱਤਿਆਂ ਨਾਲ
ਜਿੱਤਣਾ ਸਿੱਖ ਕੇ ਆਵੀਂ।
Subscribe to:
Post Comments (Atom)
No comments:
Post a Comment