ਕੋਸੇ ਜਾਮ ਤੇ ਰੰਗਲਾ ਮੁਜਰਾ, ਮਹਿਫ਼ਲਾਂ ਵਿੱਚ ਛਾ ਗਿਆ
ਕੀ ਫ਼ਰਕ ਪੈਂਦਾ ਜੇ ਬੱਦਲ ਕਾਲਾ ਸ਼ਹਿਰ ਤੇ ਆ ਗਿਆ
ਸ਼ਹਿਰ ਤਾਂ ਘੁੱਗ ਵੱਸਦਾ ਏ, ਰੱਬ ਦਾ ਤੂੰ ਸ਼ੁਕਰ ਕਰ
ਕੀ ਫ਼ਰਕ ਪੈਂਦਾ ਜੇ ਕੋਈ ਤੇਰਾ ਢਾਰਾ ਢਾਹ ਗਿਆ
ਫੁੱਲਾਂ ਵਰਗਾ ਜਿਸਮ ਉਸਦਾ, ਕਲੀਆਂ ਵਰਗੀ ਹੈ ਅਦਾ
ਕੀ ਫ਼ਰਕ ਪੈਂਦਾ ਜੇ ਘਰ ਵਿੱਚ ਥੋਹਰ ਉਸ ਨੇ ਲਾ ਲਿਆ
ਕਿਹਾ ਸੀ ਧਰਮਾਂ ਦੀਆਂ ਕੰਧਾਂ ਦੇ ਉਪਰੋਂ ਤੱਕ ਨਾ
ਕੀ ਫ਼ਰਕ ਪੈਂਦਾ ਜੇ ਹੁਣ ਪਛਤਾਵਾ ਦਿਲ ਤੇ ਛਾ ਗਿਆ
ਪੋਟਲੀ ਵਿੱਚ ਸਾਂਭ ਕੇ ਰੱਖੀਂ ਤੂੰ ਰਿਸ਼ਤੇਦਾਰੀਆਂ
ਕੀ ਫ਼ਰਕ ਪੈਂਦਾ ਜੇ ਇਕਲਾਪਾ ਹੀ ਤੈਨੂੰ ਖਾ ਗਿਆ
Subscribe to:
Post Comments (Atom)
No comments:
Post a Comment