ਮਾਂ ਮੇਰੀ ਕੋਲੇ ਇਕ ਔਰਤ
ਆਪਣੀ ਕੱਢੀ
ਇੱਕ ਫੁਲਕਾਰੀ ਲੈ ਕੇ ਆਈ
ਉਪਰ ਪਾਈਆਂ
ਝੂਟੇ-ਮਾਈਆਂ
ਸੱਗੀ-ਫੁੱਲ ਤੇ ਪਿੱਪਲ-ਪੱਤੀਆਂ
ਚਿੜੀਆਂ, ਤੋਤੇ, ਨੱਢੇ-ਨੱਢੀਆਂ
ਸੁਪਨੇ, ਸੋਚਾਂ, ਘੋੜੇ-ਬੱਘੀਆਂ
ਉਸ ਤੇ ਸਾਉਣ ਬਹਾਰਾਂ ਕੱਢੀਆਂ.....
ਹੁਣ ਉਹ ਵੇਚੇ ਬਿਪਤਾ ਮਾਰੀ
'ਬੀਜੀ, ਮੇਰੇ ਆਪਣੇ ਵਿਆਹ ਦੀ-
ਪੰਜ ਵੀਹ ਦੇ ਦੇ
ਜਾਂ ਜੋ ਮਰਜ਼ੀ'
ਮਾਂ ਮੇਰੀ ਨੇ ਪੈਸੇ ਗਿਣ ਕੇ
ਉਸ ਔਰਤ ਦੇ ਹੱਥ ਤੇ ਰੱਖੇ
ਨਾਲੇ ਉਹੋ ਹੀ ਫੁਲਕਾਰੀ
ਉਸ ਔਰਤ ਦੇ ਸਿਰ ਤੇ ਦੇ 'ਤੀ
'ਜਾ ਨੀ ਭੈਣੇ
ਘਰ ਜਾ ਆਪਣੇ.........।'
Subscribe to:
Post Comments (Atom)
No comments:
Post a Comment